繼續同史友們介紹世界各地嘅一啲神秘考古發現，位於秘魯南部納斯卡沙漠嘅納斯卡線條一直都係考古學界至今都仍未解決到嘅神秘謎團。而自從呢種神秘線條喺1939年被首次發現之後，至今都仍然不斷有新嘅圖騰出現，阿史今次就同大家講一講啦！
其實喺納斯卡線條被發現後，新嘅圖案亦都不斷出現，呢種神秘圖騰甚至仲喺1994年獲聯合國教科文組織列為世界遺產。而據英國《衛報》報道，近日秘魯嘅研究團隊就聯同日本山形大學研究團隊完成咗兩年嘅實地考察，結果就再發現咗超過100個納斯卡線條圖案，而通過無人機及高空攝影技術之下，就再喺納斯卡沙漠平原一帶發現了168個新的納斯卡線條圖案，令到整體納斯卡線條圖案總數增至358個。
呢種圖騰嘅歷史可以追溯到逾2000年前，圖案就由人、貓、蛇、殺人鯨、雀鳥都有齊，但到底古代人係點樣做到，當中又有咩用意？呢啲仍然係一個謎！
原圖嚟自網絡